Newyddion
Gweithdy gyda Huw Aron
Cafodd criw o fechgyn bl.7 a 8 gyfle i brofi gweithdy gyda’r awdur a’r artist Huw Aaron ddydd Gwener 3/3/17. Huw Aaron sy’n creu’r cylchgrawn cartwn Mellten ac roedd y disgyblion wrth eu boddau’n darllen y cylchgrawn ac yna’n creu eu cymeriadau cartwn eu hunain a straeon bach.
Un o’r bechgyn a oedd yn rhan o’r gweithdy oedd Morgan Greenway “Dysgais sut i greu cartwnau diddorol er mwyn helpu plant i fwynhau darllen. Dysgon ni sut i ddangos emosiynau positif a negatif. Diolch i Huw Aaron am ddod aton ni”.
16/03/2017, Lynwen Matthews
Diwrnod y Llyfr 2017
Dathlwyd Diwrnod y llyfr unwaith eto eleni gydag amrywiaeth o weithgareddau. Dechreuwyd y dathliadau gyda Gwasanaeth Diwrnod y Llyfr. Y Chweched arweiniodd y gwasanaeth a dangoswyd DVD a grëwyd dros yr wythnosau diwethaf o aelodau o’r Chweched a’r staff yn sôn am yr hyn maen nhw’n darllen ar hyn o bryd.
Hyfryd oedd gweld bod criw o staff a disgyblion yr ysgol wedi dangos cryn ddychymyg wrth wisgo fel cymeriadau o lyfrau.
Ar ddiwedd pob gwers yn ystod y dydd, ar y “tannoy”, darllenwyd addasiad o stori fer, gyda Mr Davies, Mr Jenkins a Mrs Edwards-Jones yn arddangos sgiliau actio gwych! Roedd pawb wedi clywed y stori gyfan erbyn diwedd y dydd.
Yn ystod amser egwyl, cynhaliwyd bore coffi a daeth Siop Tŷ Tawe i werthu llyfrau amrywiol.
Aeth y criw o fl.13 sy’n astudio Cymraeg i berfformio chwedl Branwen i blant Ysgol Felindre. Defnyddiwyd props gwreiddiol tu hwnt!
Cafodd criw o fl.9 gyfle i ddarllen gydag ysgolion Tirdeunaw, Lon Las a Gellionnen. Darllenwyd 5 stori i’r plant mewn cylchdro a chafwyd pleidlais am hoff lyfr y plant.
Gobeithio i bawb gael eu hatgoffa o’r mwynhad sydd i’w gael o ddarllen llyfrau.
16/03/2017, Lynwen Matthews
Seremoni Cadeirio 2017
Cynhaliwyd ein Seremoni Gadeirio ar Fawrth y 1af fel rhan o ddathliadau Dydd Gŵyl Dewi yr ysgol. Eleni, paratowyd cadair newydd sbon ar gyfer yr achlysur. Un a fydd yn cael ei defnyddio a’i thrysori am flynyddoedd i ddod. Diolch yn fawr iawn i Mr Brian Evans a Mr Bridgens am eu gwaith cywrain yn llunio’r gadair hardd. Trosglwyddwyd yr awenau yn ôl yr arfer i brif swyddogion yr ysgol, sef Anna Mathews a Iestyn Davies a lwyddodd i lywyddu’r seremoni’n wych.
Eleni, y Prifardd Aneirin Karadog oedd y beirniad. Braf oedd ei groesawu nôl atom ar ôl iddo gynnal dau weithdy barddoniaeth yn ddiweddar yn yr ysgol gyda bechgyn bl.9 a 10.
Roedd pawb yn gwrando’n astud ar y feirniadaeth ar gyfer y Gadair ac fe ddaeth hi’n amlwg bod ‘Saunders 2’ wedi plesio’r beirniaid yn fawr. Hyfryd oedd gweld Sara Dafydd o Flwyddyn 13 yn codi o’i sedd yng nghefn y neuadd lawn i dderbyn y fraint o fod yn brif lenor yr ysgol eleni. Llongyfarchiadau enfawr iddi. Yn ail am y gadair oedd Lowri Powell o fl.10, gyda Hannah Morgan o fl.10 yn drydydd. Hoffai’r Adran Gymraeg ddiolch yn fawr i bawb a gystadlodd ac yn arbennig i’r staff a’r disgyblion a fu’n rhan o’r seremoni- yn enwedig Jasmine Lewis a Rhys Whatty am gyfeilio ar y delyn, Kirsty Lewis am ganu cân y cadeirio, Rachel Hadley a Sam Dawson am ganu’r ffanffer a Tara Camm a Rhys Evans am gyrchu’r buddugol. Hyfryd hefyd oedd gweld cynrychiolwyr o bob blwyddyn ar y llwyfan a hwythau wedi’u dewis am ymrwymiad i Gymreictod yn yr ysgol.
Llongyfarchiadau hefyd i Bethan Levy am ennill y Tlws Saesneg.
Dyma’r canlyniadau llenyddol eraill:
Barddoniaeth Bl.7
1af- Angharad James
2il- Dafydd Roberts
3ydd- Kiera Fetch
Rhyddiaith Bl.7
1af- Sion Thomas
2il- Mirain Owen
3ydd- Anest Cunliffe
Barddoniaeth Bl.8
1af- Ffion Tomos
2il- Annwen Morgan
3ydd- Ben Lervy a Hannah Non Cordingly
Rhyddiaith Bl.8
1af- Ffion Tomos
2il- Amy Johnson
3ydd- Grace Lancey
Barddoniaeth Bl.9
1af- Thea Wood
2il- Aaliyah Janes
3ydd- Erin Owens
Rhyddiaith Bl.9
1af- Angharad John
2il- Thea Wood a Megan Davies
3ydd- Cameron Jenkins a Erin Owens
Adolygiad ffilm
1af- Jasmine Lewis
2il – Ffion Gould
3ydd- George Foley
Barddoniaeth Bl.10
1af- Lowri Powell
2il- Hannah Morgan
3ydd- Lowri Evans
Rhyddiaith Bl.10
1af- Rhys Beynon
2il- Manon Keeble
3ydd- Rhodri Jenkins
Rhyddiaith Bl.12 a 13
1af- Sara Dafydd
2il- Rhydian Cleaver
3ydd- Sara Dafydd
16/03/2017, Lynwen Matthews
Statws Ysgol Werdd
Mae’n braf gallu nodi ein bod wedi ennill statws Ysgol Werdd eto eleni. Canllaw i Rieni Categoreiddio Cenedlaethol. Diolch yn fawr i’r holl staff a’r disgyblion am eu gwaith diflino!
3/02/2017, AAM
Cliciwch ar y linc isod i gweld taflen opsiynau Colofnau Dewis y Pynciau
FFURFLEN COLOFNAU BL 12 2016 – 2017 (2)
25/01/2017, Lynwen Matthews
Gweithdy yng nghwmni Aneurin Karadog
Cafodd deunaw o fechgyn bl.9 y cyfle i gymryd rhan mewn gweithdy diwrnod gyda’r Prifardd Aneirin Karadog. Heriwyd y disgyblion i ysgrifennu cerddi am ryfel a chafodd pawb gyfle i ddarllen eu cerddi ar goedd ddiwedd y dydd, gyda rhai yn rapio’r cerddi i gyfeiliant pastwn Aneirin. Diolch i Aneirin am roi o’i amser a’i arbenigedd a llongyfarchiadau i’r bechgyn ar greu cerddi cofiadwy a fydd i’w gweld mewn arddangosfa yn yr ysgol cyn bo hir.
15/12/2016, Lynwen Matthews
Aeth 65 o ddisgyblion bl.7 i fwynhau Pantomeim yn seiliedig ar chwedl Blodeuwedd yn Neuadd y Gwyn, Castell Nedd ddechrau mis Rhagfyr. Diolch i gwmni Mega am berfformaid cofiadwy!
14/12/2016, Lynwen Matthews