Newyddion
CWBLHAU OPSIYNAU TERFYNOL BL.9
Yn dilyn casglu manylion am opsiynau disgyblion blwyddyn 9, rydym bellach wedi cwblhau’r colofnau ar sail dewisiadau ein disgyblion. Mae angen nawr i bob disgybl ym mlwyddyn 9 gwblhau’r ffurflen opsiynau derfynol gyda’r dewisiadau perthnasol erbyn dydd Llun 11eg o Fai.
Er mwyn cwblhau’r daflen bydd angen bod disgyblion yn mewngofnodi i’w cyfrif Hwb. Yn dilyn mewngofnodi, cliciwch yma er mwyn ei gwblhau: https://bit.ly/OpsTerfynolbl9-FinalYr9Options
Diolch.
6/05/2020, Simon Davies
DYSGU O BELL – CYNGOR A CHEFNOGAETH PELLACH
Diolch i bob un o’n rieni sydd wrthi yn brysur yn cefnogi ein disgyblion i allu barhau i ddysgu, o dan amodau heriol tu hwnt. Rydym ni i gyd yn dysgu beth sydd yn gweithio a ddim yn gweithio, (yn gyflym iawn!) o’r profiad yma. Gweler rhai adnoddau isod a allai fod o gymorth i chi a’ch plant:
Rydym wedi cynhyrchu cyfres o ‘gwestiynau cyffredin’ y mae rhieni wedi cysylltu gyda ni i’w gofyn. Rydym wedi cynnig datrysiadau neu esboniadau pellach: Cwestiynau cyffredin – rhieni
Dyma fideo yn cynnig cyfarwyddiadau i ddefnyddio Teams (bydd mwy o ffilmiau i ddilyn): https://youtu.be/9mHy5OqBFfg
Er mwyn cefnogi gyda rheolaeth amser, ers y Pasg, mae amserlen gosod gwaith yn ei le – gweler yma: Amserlen cyhoeddi gwaith CA3 & CA4
Dyma gyngor defnyddiol iawn i ddisgyblion a rieni ar ddysgu o bell: Cyngor Dysgu o bell
Os ydych yn cael trafferth yn lawrlwytho Microsoft Office 365, gweler y llythyr yma: Llythyr Office 365 Rhieni
Cysylltwch gyda athro pwnc eich plentyn os yw eich plentyn yn cael trafferth gyda darnau o waith penodol – gweler rhestr e-byst y staff i gyd yma: E-byst staff 2019-2020
Mae’r wybodaeth yma eisoes wedi ei lan-lwytho i SMHW.
28/04/2020, Simon Davies
CYNGOR GYRFAU YN FYW AR LEIN
Mae Gyrfau Cymru yn cynnig i ddisgyblion gysylltu er mwyn cyfranogi mewn ‘sgyrsiau byw ar lein’ i drafod opsiynau gyrfau ar eu cyfer. Gweler y poster yma am fanylion: Sgwrsio’n fyw gyda ni
26/04/2020, Simon Davies
Diweddariad gan y Pennaeth
Gweler y llythyr am ddiweddariad pellach: Llythyr 200421
22/04/2020, Simon Davies
CEFNOGAETH LLES A IECHYD MEDDWL I’N POBL IFANC
Mae’r ‘Exchange’ sydd yn rhedeg y wasanaeth gownsela yn yr ysgol yn parhau i ddarparu cefnogaeth i bobl ifanc yn ystod y cyfnod yma. Gwiriwch y poster yma am fanylion o sut i gysylltu â nhw.
Yn ogystal, mae yna lu o asiantaethau a gwefannau yn cynniog strategaethau, syniadau a chefnogaeth i bobl ifanc gyda gwella’u lles, cefnogi gyda iechyd meddwl a syniadau gyda gweithgareddau addysgiadol. Gwirich rhai o’r cysylltiadau isod:
Llywodraeth y DU: https://bit.ly/WellbeingSuport
Hafan Cymru: https://bit.ly/HafanCymruActivities
Iechyd Cyhoeddus Cymru: Health and Wellbeing home activities for Families Swansea Bay
22/04/2020, Simon Davies
OFFICE 365 AR GAEL I BAWB!
Mae pob disgybl bellach yn gallu gosod pecyn llawn Microsoft office 365 gartref drwy lwyfan HWB. Gall ddisgyblion lawr lwytho Office 365 ProPlus ar hyd at 5 dyfais bersonol gan
gynnwys PCs, Macs a dyfeisiadau symudol. Mae’r meddalwedd yn galluogi disgyblion i ddefnyddio’r fersiynau llawn o Microsoft Word, Excel, PowerPoint a mwy heb unrhyw gost. Am wybodaeth pellach ar sut i wneud hwn, gwiriwch y llythyr yma: Llythyr Office 365 Rhieni
22/04/2020, Simon Davies
NEWIDIADAU I DREFNIADAU DOSBARTHU PRYDAU YSGOL AM DDIM
Ni fydd talebau i’w defnyddio mewn archfarchnadoedd yn cael eu darparu gan Lywodraeth Cymru, fel sydd wedi ei grybwyll fel posibilrwydd. Yn hytrach, mae disgwyl i bob Awdurdod Lleol ddarparu system lleol.
O ddydd Llun y 27/04/20, byddwn yn darparu pecyn bwyd wythnos (fydd yn cynnwys bwyd y gallwch chi baratoi ar gyfer cinio pob dydd e.e. torth o fara, tin o diwna, ham, caws, creision, bisgedi ayb…) i bob disgybl sydd yn deilwng i BYD.
Rydym yn cynnig dosbarthu rhain ar ddydd Llun pob wythnos. Os ydych am dderbyn pecyn bwyd wythnos, yna llenwch yr holiadur yma ar gyfer pob plentyn o Fryn Tawe rydych am wneud cais: https://bit.ly/DosbPYD-FSMSdelivery.
Os ydych yn barod yn derbyn pecynnau gennym, nid oes angen i chi lenwi’r holiadur eto.
21/04/2020, Simon Davies