Ysgol Gyfun Gymraeg Bryn Tawe

Mr Simon Davies

Pennaeth

Mrs Rhian Edwards-Jones

Dirprwy Bennaeth / Athrawes y Gymraeg

Mr Mark Bridgens

Pennaeth Cynorthwyol / Athro Dylunio a Thechnoleg

Mrs Emma Howells

Pennnaeth Cynorthwyol / Pennaeth yr Adran Hanes

Mr Christopher Shaw

Pennaeth Cynorthwyol / Pennaeth yr Adran Saeneg

Mrs Nerys Vaughan

Pennaeth Cynorthwyol / Athrawes Hanes

Miss Angharad Jenkins

Cydlynnydd Pontio

Mrs Naomi Tootill-Evans

Arweinydd Dysgu Blwyddyn 8

Miss Lindzi Miller

Arweinydd Dysgu Blwyddyn 9

Mr Chris Jones

Arweinydd Dysgu Blwyddyn 10

Miss Heledd Clarke

Arweinydd Dysgu Blwyddyn 11

Mrs Rhian Davis

Arweinydd Dysgu Blwyddyn 7

Mr Ben Davies

Pennaeth y Chweched Dosbarth

Miss Catrin Lyall

Dirprwy Bennaeth y Chweched Dosbarth

Swyddi Gwag

Swydd Cynorthwyydd Bugeiliol

   

Rydym yn edrych i apwyntio cynorthwyydd i dîm bugeiliol yr ysgol, i ddechrau cyn gynted â phosib. Fe fydd yr ymgeisydd llwyddiannus yn ymuno â thîm bugeiliol profiadol, brwdfrydig, gweithgar a chyfeillgar yr ysgol ac yn gweithio gydag unigolion a grwpiau o ddisgyblion ar draws CA3 a 4.  

Croesawn geisiadau gan unigolion â’r brwdfrydedd a’r angerdd i gyfrannu at wella profiadau disgyblion yn yr ysgol yn ogystal â chyfrannu at fwrlwm addysgu Cymraeg yn Abertawe. Rydym yn benodol yn edrych am unigolion sydd â’r angerdd, y gallu neu’r profiad a’r natur i gefnogi unigolion a grwpiau o ddisgyblion i oresgyn unrhyw rhwystrau i’w dysgu.

Mae’r rolau newydd yma, sy’n gofyn am unigolion amyneddgar, didwyll ac adferol, yn allweddol i gefnogi ein disgyblion i fod y gorau allant fod ac i lwyddo drwy gyrraedd eu potensial. Mae’r angen am y gefnogaeth bwysig yma yn allweddol i lwyddiant ein disgyblion.

Sut i Ymgeisio: 

• Dyddiad Cau cyflwyno cais: Dydd Gwener 24ain o Fai 2024 12 y.p.
• Cyflog: Graddfa Cyflog 5 Pro Rata £20943-£21655
• Cytundeb: Parhaol, 37 awr yr wythnos, amser tymor yn unig
• Dyddiad cau: Dydd Gwener 24ain o Fai 2024

Mae’r gallu i gyfathrebu drwy’r Gymraeg yn allweddol ar gyfer y rôl hon. Bydd y swydd yn amodol ar  wiriad cymwysterau a dau eirda. Bydd cais yn cael ei wneud i ddatgelu cofnod troseddol yr ymgeisydd y cynigir y swydd hon iddo/iddi. 

Dylid danfon am ffurflen gais a gwybodaeth bellach at:   Mrs Eirian Leonard, Rheolwr Busnes  Ysgol Gyfun Gymraeg Bryn Tawe, Heol Gwyrosydd, Penlan, Abertawe, SA5 7BU.  

Dylid dychwelyd ffurflenni cais erbyn: 24ain o Fai 2024 12y.p.

Mae’r awdurdod yn unol â’r Polisi Diogelu Corfforaethol wedi ymrwymo i ddiogelu a hyrwyddo lles plant, pobl ifanc ac oedolion ac yn disgwyl i’r holl staff a gwirfoddolwyr rannu’r ymrwymiad hwn. Mae’r Awdurdod yn disgwyl i bawb o’r staff ymgymered â hyfforddiant diogelu gorfodol ar gyfer amddiffyn plant ac oedolion a derbyn y wybodaeth ddiweddaraf amdano.

Swydd ddisgrifiad Cynorthwyydd Bugeiliol CA 3/4

Cyfrifoldebau Rhagweithiol:

• Meithrin perthynas bositif yn seiliedig ar ddisgwyliadau uchel a pharch gyda’r disgyblion.
• Ymyrryd yn gynnar er mwyn gwella / newid ymddygiad
• Cysgodi disgyblion a dosbarthiadau sy’n achosi problemau yn rheolaidd gan ddilyn amserlen wythnosol,
• Cadw cysylltiad parhaus gyda rhieni’r disgyblion hynny sy’n camymddwyn a / neu sy’n dangos gwelliant,
• Cyfweld yn rheolaidd gyda disgyblion sy’n amlygu problemau - cytuno ar dargedau personol
• Gosod targedau gwelliant
• Trafod a monitro cynnydd yn erbyn targedau personol
• Trefnu cyfnodau o “amser cylch”
• Datblygu canlyniadau ymddygiad creadigol ac effeithiol i gefnogi agenda ‘gwella ymddygiad’
• Lleihau'r nifer o ddigwyddiadau ymddygiad ymysg disgyblion y grwpiau targed
• Lleihau cyfradd gwaharddiadau dros dro'r ysgol

Cyfrifoldebau Adweithiol:

• Bod ar alwad er mwyn casglu disgyblion yn dilyn ceisiadau gan athrawon.
• Datblygu perthnasoedd positif gyda disgyblion a bod ar gael i wrando a gweithredu ar eu pryderon mewn cydweithrediad a’r AD.
• Ymchwilio i ddigwyddiadau, a darparu gwybodaeth i Arweinwyr Dysgu o fewn yr un dydd ysgol,
• Yn dibynnu ar y digwyddiad, cysylltu â’r rhieni - a throsglwyddo gwybodaeth yn brydlon i AD
• Penderfynu ar gosb os yn berthnasol (trafod ar y cychwyn gyda’r AD er mwyn dod yn gyfarwydd â’r ystod o gosbau a ddefnyddir)
• Cefnogi yn gwarchod y Gilfach pan fod HP yn absennol neu ar alwadau eraill.

Cefnogaeth i’r AD / Arweinydd yr Uned ‘Gwella’ er mwyn ehangu llwyddiant addysgol disgyblion yn eich CA

Cefnogaeth:

• Cefnogi gwaith yr AD dysgu yn ddyddiol
• Cefnogi’r AD wrth fonitro data ymddygiad, presenoldeb clod a chynnydd disgyblion
• Cefnogi gwaith arweinydd y ganolfan Gwella o ran trefn a systemau effeithiol o apwyntiadau yn y ganolfan ‘Gwella’.
• Cefnogi gweithgareddau a threfniadau'r ganolfan ‘Gwella’ yn ddyddiol.
• Delio yn effeithiol a medrus gyda gofynion emosiynol ac ymddygiadol disgyblion wrth weithredu’n adferol ar bob achlysur.
• Cadw cofnodion manwl o gyfweliadau gyda disgyblion.
• Cofnodi effaith rhaglenni ymyrraeth er mwyn gallu monitro effeithiolrwydd y rhaglenni.

Ymyraethau:

• Mentora unigol ar gyfer disgyblion targed sydd ag AEYCh.
• Adnabod a gweithredu’r cynllun/iau ymyrraeth benodol ar gyfer disgyblion unigol.
• Gwirio a thracio Cynlluniau Ymddygiad Unigol disgyblion
• Datblygu bwydlen o gynlluniau ymyrryd (ar y cyd gyda’r AD / arweinydd yr Uned Gwella).
• Dyfal barhau gyda rhaglenni pendant fydd yn effeithiol yn newid ymddygiad disgyblion.

Gwobrwyo:

• Gweithredu cynlluniau gwobrwyo ar gyfer disgyblion targed er mwyn codi hyder a chymhelliant disgyblion i ddysgu.
• Datblygu cynlluniau gwobrwyo ar gyfer disgyblion unigol.
• Sicrhau ymwybyddiaeth rhieni o’r cynlluniau gwobrwyo a’u cynnwys yn y prosesau.

Ymglymiad rhieni

• Meithrin perthynas bositif yn seiliedig ar ddisgwyliadau uchel a pharch gyda’r rhieni.
• Sicrhau ymglymiad rhieni’r disgyblion targed sydd ag AEYCh i’r cynlluniau gwella.
• Cyfarfodydd yn gyson gyda rhieni'r grwpiau targed er mwyn cynnig adborth cyfnodol.

Presenoldeb:

• Cymryd cyfrifoldeb am fonitro presenoldeb dyddiol eich CA / ysgol.
• Cysylltu gyda rhieni am unrhyw absenoldeb disgyblion yn eich CA.
• Cymryd cyfrifoldeb am wella presenoldeb y grŵp targed presenoldeb.
• Cymryd cyfrifoldeb am wella prydlondeb grŵp targed prydlondeb.
• Cymryd cyfrifoldeb am brydlondeb boreol disgyblion - gwirio ac ymyrryd
• Sicrhau ymyrraeth gynnar ‘yr awr aur’ drwy wirio presenoldeb a phrydlondeb y disgyblion yma cyn 9:30 a chysylltu gyda rhieni / gwarchodwyr
• Cynllunio strategaethau ymyrraeth creadigol ac effeithiol i wella'r agweddau yma.
• Cynnwys y rhieni yn y prosesau yma trwy ffonio rhieni, trefnu cyfarfodydd a llythyru adref
• Profi gwelliant yn yr agweddau yma wrth olrhain unrhyw gynnydd gan ddisgyblion y grwp targed.
• Cefnogi Arweinydd Bugeiliol yr ysgol gydag unrhyw faterion presenoldeb.

Gweithredu Rhaglenni ymyrraeth:

• Cydweithio gydag asiantaethau allanol yn ôl gofynion yr AD ac adrodd gwybodaeth nol i’r AD yn brydlon
• Mynychu hyfforddiant addas ar gyfer y swydd a gweithredu’r strategaethau perthnasol e.e. Arferion Adferol, dull o feddwl positif (Growth Mindset), Iechyd Meddwl, Rheoli Ymddygiad
• Hyfforddi disgyblion unigol a/neu grwpiau o ddisgyblion mewn rhai o’r meysydd canlynol:
  Gwella hunan ddelwedd, Mentor adferol, Gwella hunan hyder, Rheoli tymer, Cynllun datblygu cymhelliant, Cynllun datblygu uchelgais

Lawrlwythwch ffurflen gais